Dançadores Samartineiros de Bordeus, an Paris

Esse grupo naciu fai trés anhos an Bordeus. Anque los Dançadores Samartineiros de Bordeus han tubido outros tiempos de glória, l grupo zapareciu pra bolber a nacer an 2006. I yé neste último Deimingo stéban eilhes a beilar an Paris. Pra la giente deilhi que stá siempre aquestumada a ber l mesmo folclore (las danças de l Minho) fui un spanto de ber aqueilha mocidade a dançar cun palos i al sonido dun strumiento bien stranho, la gaita de fuolhes. Los rapazes fazírun todas las danças que habien daprendido i bien deilhas qu’éran, de L 25 Abierto anté L Castielho habie pra quien crie! Assi, fui mas ua maneira pra falar de Mirandica i de las sues tradiçones an tierras de fuora.