Stória dua Lhéngua i dun Pobo

Deiqui por pouco tiempo yá stará a la benda i ls lheitores fazeran l sou juízo subre la grande culidade de l trabalho de José Ruy. Zde agora an delantre ls mirandeses – an special ls alunos de lhéngua i cultura mirandesa – i ls pertueses an giral passaran a tener un resume de stória de la lhéngua mirandesa, l sou belhete de eidentidade.
Cuido tratar-se dun trabalho amportante para oumentar la proua i l respeito pula nuossa lhéngua, yá que todos poderan saber la sue ourige, l modo cumo creciu i cumo chegou até als nuossos dies. Assi, tamien será menos custoso mirar pa l feturo de la nuossa lhéngua, pus queda bien clara la eipopeia que fui l pobo mirandés traier essa sue lhéngua até hoije.
De ls lhibros yá fui feita ua pré-apersentaçon na cidade de Lhion, an Spanha, mas será apersentado a la par cun outras nobidades de que a sou tiempo tamien falaremos, nas fiestas de la cidade de Miranda de l Douro, l 10 de Júlio, cula perséncia de la Cámara Munecipal.

Amadeu Ferreira